Магистратура

Магистратура – тиісті білім беру бағдарламасы бойынша «магистр» және «ғылым магистрі» дәрежелері берілетін кадрларды даярлауға бағытталған жоғары оқу орнынан кейінгі білім беру деңгейі.

Магистратурада кадрлар даярлау жоғары білімнің білім беру бағдарламалары негізінде жүзеге асырылады.

Магистратурада кадрлар даярлау екі бағыт бойынша жүзеге асырылады:

• оқу мерзімі 1 жыл бейінді: тереңдетілген кәсіптік даярлығы бар экономика, құқық, білім беру және бизнес салалары үшін басқарушы кадрларды даярлау.
• оқу мерзімі 2 жыл ғылыми және педагогикалық: тереңдетілген ғылыми-педагогикалық және зерттеу даярлығы бар жоғары оқу орындары мен ғылыми ұйымдар үшін ғылыми және ғылыми-педагогикалық кадрларды даярлау.

Магистратурада оқу формасы:

Күндізгі бөлім. ҚАЕУ магистратурада ақылы негізде және мемлекеттік бюджет қаражаты есебінен оқытуды ұсынады. Магистратурада оқу кешкі уақытта өтеді.

Магистратураға түсу шарты:

Магистратураға жоғары білімнің білім беру бағдарламаларын меңгерген тұлғалар қабылданады.

Магистратураға түсуші тұлғалар кешенді тестілеуді (КТ) тапсырады.

Жазда:

• КТ-ға қатысу үшін өтініштерді қабылдау: күнтізбелік жылдың 1 маусымынан 15 шілдесіне дейін
• КТ 20 шілдеден 10 тамызға дейін өткізіледі.
• Қабылдау – 28 тамызға дейін.

Күз-қыс:

• КТ-ға қатысу үшін өтініштерді қабылдау: күнтізбелік жылдың 1-18 қарашасы аралығында
• КТ 19 қарашадан 11 желтоқсанға дейін өткізіледі.
• Қабылдау-10 қаңтарға дейін.

Кт өткізу форматы: – сілтеме бойынша өтіңіз.

Кт үлгілік тест тапсырмалары: – сілтеме бойынша өтіңіз.

КТ – ға тіркелу:

Талапкер кешенді тестілеуге қатысуға онлайн өтініш береді. Ол үшін:

1. https://app.testcenter.kz/ сайтына кіріп, интерфейс тілін таңдау.
2. Электрондық поштаны көрсете отырып тіркеуден өту (электрондық поштаға келген хатта электрондық поштаны растау қажет).
3. Алынған логин мен пароль арқылы авторизациядан өту (логин мен пароль көрсетілген хатты жою мүмкін емес);
4. ЖСН көрсетіңіз және Іздеу батырмасын басыңыз (аты-жөні автоматты түрде шығады) және байланыс телефон нөмірін көрсетіңіз;
5. «Өтініш беру» бөлімін таңдаңыз, магистратураға кешенді тестілеуді таңдаңыз;
6. Тіркелу үшін деректерді толтырыңыз;
7. Төлем әдісін таңдап, тестілеу үшін төлеңіз.

Назар аударыңыз!

Магистратураның білім беру бағдарламасының бейіні жоғары білім беру бағдарламасымен сәйкес келген жағдайда алдыңғы деңгейдегі оқыту нәтижелері автоматты түрде танылады; магистратураның білім беру бағдарламасының бейіні жоғары білімнің білім беру бағдарламасымен сәйкес келмеген жағдайда магистрантқа игеру үшін пререквизиттер белгіленеді және бірінші семестр ішінде ақылы түрде тапсырылады.

Оқуға қабылдау үшін қажетті құжаттардың тізімі

Мемлекеттік білім беру грантын беру жөніндегі конкурсқа қатысу үшін және ақылы бөлімше үшін қажетті құжаттардың тізімі:

1. Университет басшысының атына өтініш;
2. жоғары білім туралы құжат (түпнұсқа);
3. жеке басын куәландыратын құжат немесе цифрлық құжаттар сервисінен электрондық құжат (жеке басын сәйкестендіру үшін талап етіледі, түпнұсқасы және көшірмесі);
4. Өлшемі 3х4 сантиметр болатын 4 фотосурет;
5. 075-У нысанындағы медициналық анықтама;
6. шет тілі бойынша тест тапсыру туралы сертификат (олар болған жағдайда):
7. ағылшын тілі: IELTS, кемінде 0; TOEFL IBT, кемінде 60; TOEFL PBT, кемінде 498;
8. неміс: DSH, C1; TestDaF – Prufung, C1;
9. еңбек қызметін растайтын құжат (еңбек өтілі бар адамдар үшін);
10. ғылыми және ғылыми-әдістемелік жұмыстардың тізімі (олар болған жағдайда);
11. КТ тапсыру туралы сертификат.

Осы тармақта көрсетілген құжаттардың толық емес тізімін ұсынған кезде қабылдау комиссиясы талапкерлерден құжаттарды қабылдамайды.

Магистратураға түсу үшін шекті балдар:

ғылыми-педагогикалық магистратураға – кемінде 75 балл, оның ішінде:

• шет тілі бойынша-кемінде 25 балл,
• білім беру бағдарламалары тобының бейіні бойынша:
• бір дұрыс жауапты таңдағанда-кемінде 7 балл,
• бір немесе бірнеше дұрыс жауаптарды таңдағанда-кемінде 7 ұпай
• оқуға дайындығын анықтауға арналған тест бойынша-кемінде 7 балл;

бейіндік магистратураға – кемінде 50 балл, оның ішінде:

• білім беру бағдарламалары тобының бейіні бойынша:
• бір дұрыс жауапты таңдағанда-кемінде 7 балл,
• бір немесе бірнеше дұрыс жауаптарды таңдағанда-кемінде 7 ұпай
• оқуға дайындығын анықтауға арналған тест бойынша-кемінде 7 балл;

Шетелдік студенттер үшін

Шетелдік азаматтарды ақылы негізде оқуға қабылдау Қабылдау комиссиясы күнтізбелік жыл ішінде өткізетін әңгімелесу нәтижелері бойынша жүзеге асырылады. Шетелдік азаматтарды қабылдау академиялық күнтізбеге сәйкес келесі академиялық кезең басталғанға дейін 5 (бес) күн бұрын жүзеге асырылады.

Шетелдік студенттер үшін қосымша келесі құжаттарды ұсыну қажет:

1. Оқудан өтуге кедергі келтіретін аурулардың жоқтығын растайтын медициналық анықтама;
2. Медициналық сақтандыру;
3. Соттылығының бар немесе жоқтығын растау туралы анықтама.

Ескерту:

Шет тілінде ұсынылатын құжаттардың қазақ немесе орыс тілдеріне нотариат куәландырған аудармасы болуға тиіс. Шетелдік білім беру ұйымдары берген білім туралы құжаттар оқудың бірінші семестрі ішінде адамдарды қабылдағаннан кейін заңнамада белгіленген тәртіппен нострификациялау рәсімінен өтеді.