ҚАЕУ мерейтойлық Аллеясы

2024 жылы 26 сәуірде Өскемен қаласының Сол жағалау саябағының аумағында ҚАЕУ Аллеясының негізі қаланды. Іс-шара ҚАЕУ-нің 30 жылдығына арналған мерейтойлық іс-шаралар аясында өткізілгендіктен символикалық түрде 30 жас қарағай көшеті отырғызылды.

Бұл оқиға 2024 жылы 30 жыл болатын Қазақстан-Американдық еркін университетінің тұрақтылығын көрсетеді. Бұл университеттің жеке аллеясында дәстүр бойынша жалғасатын алғашқы ағаш отырғызу болды. 2024 жылдың күзінде мерейтойлық іс-шараларды өткізу бағдарламасы жалғасып жатқанда, тағы да 30 қарағай көшеттерін отырғызып, аллеяға Қазақстан-Американдық еркін университетінің иелігін көрсететін ескерткіш орнату жоспарлануда.

Дәстүр бойынша алғашқы көшетті ҚАЕУ президенті Мәмбетқазиев Ережеп Әлхайырұлы отырғызып, жиналғандарды айтулы мерейтойлық шараға қатысуларымен құттықтады. Ол ҚАЕУ командасы 30 жылдан бері тек Өскемен қаласының ғана емес, бүкіл Қазақстанның білім беру саласын дамыту жолында қызмет етіп келе жатқан халықаралық серіктестік ұжымы екенін атап өтті.

ҚАЕУ Аллеясын отырғызуға ҚАЕУ халықаралық бағдарламалар және ынтымақтастық жөніндегі вице-президенті – Дэниел Бэлласт, ҚАЕУ бірінші вице-президенті – Жасұлан Ерболұлы Байкенов, жастар саясаты жөніндегі проректор Наталья Павловна Уразова, құрылымдық бөлімшелердің басшылары, факультет декандары, оқытушылар мен студенттер қатысты.

Жаңа көшеттерді отырғызу қаланы абаттандыру және экологиясын жақсарту миссиясы аясында жүзеге асырылуда.