Қазақстанның атом индустриясын дамыту Қауымдастығының өкілдерімен кездесу
2024 жылғы 13 қыркүйекте Қазақстан-Американдық еркін университетінде Қазақстанның атом индустриясын дамыту Қауымдастығының өкілдерімен кездесу өтті. Референдум қарсаңында студенттер алдында Қауымдастық төрағасы Алдияр Нұрланұлы Тоқтаров және халықаралық ынтымақтастық жобасының хатшысы Курий Софья Александровна баяндама жасады.
Кездесудің негізгі тақырыбы атом энергетикасы, оның Қазақстан үшін маңызы мен болашағы болды. Спикерлер халықаралық тәжірибеге сүйене отырып, атом станцияларын пайдаланудың артықшылықтары туралы егжей-тегжейлі айтып берді және студенттерге атом энергиясының ел экономикасының дамуында қандай рөл атқаруы мүмкін екендігі туралы түсінік берді.
Студенттер еліміз үшін атом станцияларының қауіпсіздігі, құрылыс мерзімдері, сондай-ақ атом энергетикасының дамуы Қазақстан экономикасына және оның азаматтарының әл-ауқатына қалай әсер ететіні туралы сұрақтар қойып, қызығушылық танытты. Кездесу ақпараттық болды және қатысушылар арасында қызу пікірталас тудырды.
