ҚАЕУ Президенті бірінші курс студенттерімен кездесу өткізді
2024 жылғы 31 қазанда ҚАЕУ Президенті, ҚР ҰҒА академигі Мәмбетқазиев Ережеп Әлхайырұлының мемлекеттік тілде оқитын 1 курс студенттерімен дәстүрлі жыл сайынғы кездесуі өтті. Іс-шараның мақсаты – университет басшылығымен қарым-қатынас жасау үшін ашық диалог пен алаң құру, сондай-ақ қазіргі жоғары білім берудегі өзекті үрдістерді талқылау.
Кездесу брифинг форматында өтті, бұл университет алдында тұрған маңызды мәселелерді талқылауға және студенттердің пікірлерін ескере отырып, оның одан әрі даму келешегін анықтауға мүмкіндік берді. Іс-шара аясында студенттер білім беру бағдарламаларын дамытуға, ғылыми және әлеуметтік жобаларға қатысудың жаңа мүмкіндіктеріне, сондай-ақ болашақ жұмысқа орналасу келешегіне қатысты сұрақтарын белсенді түрде қойды.
Брифингке халықаралық байланыстар және ынтымақтастық жөніндегі вице-президент Дэниел Белласт, бірінші вице-президент Ж.Е. Байкенов, «Бизнес, құқық және педагогика» факультетінің деканы Г.А. Мензюк, сондай-ақ кафедра меңгерушілері мен оқытушылар қатысты. Студенттер ЖОО басшылығына олардың ұсыныстары мен сұрақтарына ашықтығы мен назар аударғаны үшін алғыс білдіріп, оқушылар мен университет арасындағы байланысты нығайту үшін осындай кездесулердің маңыздылығын атап өтті
