«Coding Skills» бағдарламалау бойынша VI өңірлік олимпиаданың нәтижелері

Қазіргі уақытта цифрландыру процесі әлемнің барлық елдеріне әсер етеді. Сонымен қатар, әр елдің өзі цифрлық дамудың басымдықтарын анықтайды. Өзекті мәселелердің бірі ІТ-салада кадрлық әлеуетті қалыптастыру болып табылады. Технология жоғары оқу орындарының оқу базасын реформалауға қарағанда тезірек дамып келе жатқандықтан, бұл үшін студенттік олимпиадаларды өткізу арқылы таланттарды іздеудің және бөлудің басқа жолдары қажет.

Жастардың IT-технологиялар саласындағы білім деңгейінің қандай екенін білу үшін 2023 жылғы 13 сәуірде ҚАЕУ бизнес кафедрасы «Oskemen IT-HUB» – пен бірлесіп ШҚО ТжКБ ұйымдарының білім алушылары арасында «Coding Skills»бағдарламалау бойынша VI өңірлік олимпиаданы ұйымдастырып, қашықтықтан өткізді.

Аталған іс-шараның мақсаты-ТжКБ ұйымдарының білім алушылары арасында зияткерлік жарыстарға қоғамның назарын аудару, Зияткерлік көшбасшылық пен командалық рухты дәріптеу, дарынды жастардың кәсіби деңгейін арттыру, ШҚО ақпараттық технологиялар саласын дамыту, сондай-ақ бағдарламалаудағы  тәжірибелік дағдыларды тексеру және қойылған міндеттерді шешуге шығармашылық көзқарасты дамыту.

Олимпиадаға келесі колледждер қатысты:

1. КАСУ Жоғары колледжі;
2. Өскемен экономика және қаржы колледжі;
3. Өскемен жоғары политехникалық колледжі;
4. Құмаш Нұрғалиев атындағы Жоғары колледж;
5. Гуманитарлық-техникалық колледж ЖШС, Шемонаиха қ.;
6. «Алтай жоғары колледжі» мекемесі.

Олимпиада бағдарламасы 2 турды қамтыды: I тур – «Онлайн тестілеу», II тур – «Бағдарламалау бойынша есептерді шешу».

I тур. Қатысушылар «Ақпараттық коммуникациялық технологиялар»бағыты бойынша онлайн тестілеуден өтті. Олимпиаданың екінші турына 1 турдан сәтті өткен және тестілеуден ең жоғары балл жинаған 10 қатысушы жіберілді.

II тур. Білім алушыларға әртүрлі күрделіліктегі бағдарламалау бойынша 5 тапсырма ұсынылды. Жеңіл санатынан 2 тапсырма (1 балл), күрделілігі орташа санаттан 2 тапсырма (2 балл) және күрделі санаттан 1 тапсырма (3 балл). Осы міндеттерді шешуге білім алушыларға 2,5 сағат уақыт берілді. Бағдарламалау тілі шектелмеді, оқушылар бағдарламалау тілдерінің қайсысын қолданатынын өздері таңдады.

Шығыс Қазақстан облысы ТжКБ ұйымдарының білім алушылары арасында «Coding Skills» бағдарламалау бойынша VI өңірлік олимпиадасының нәтижелері бойынша бизнес кафедрасының білім беру бағдарламалары бойынша бірінші дәрежелі дипломмен және 30% жеңілдікпен оқуға сертификатпен Өскемен жоғары политехникалық колледжінің білім алушысы Филиппов Роман Витальевич марапатталды.

Екінші дәрежелі дипломмен және бизнес кафедрасының білім беру бағдарламалары бойынша 20% жеңілдікпен оқуға сертификатпен Өскемен жоғары политехникалық колледжінің білім алушысы – Алексей Дмитриевич Шилов марапатталды.

Үшінші дәрежелі дипломмен және бизнес кафедрасының білім беру бағдарламалары бойынша 10% жеңілдікпен оқуға сертификатпен Құмаш Нұрғалиев атындағы Жоғары колледждің білім Алена Сергеевна Подойкова марапатталды.

«Coding Skills» бағдарламалау бойынша VI өңірлік олимпиадаға қатысушыларға жүлделі орындар үшін  марапаттамалар және басшыларға алғыс хаттар табыс етілді.

Қатысушының барлығына одан әрі жеңістер тілейміз!

Бизнес кафедрасы